Il premi d'innovaziun da la Regiun Engiadina Bassa/Val Müstair va quest onn a la fuschina da Guarda – il manaschi da Thomas Lampert che producescha ovras ed objects da metal dapi il 2002. La regiun undrescha cun quest premi ina interpresa innovativa ed impurtanta per la regiun. Plinavant vegn undrà il pass che l’interpresa, manada da Thomas Lampert, ha fatg da nov, da sviluppar vinavant la producziun e la purschida al nov lieu a Giarsun, ina sutfracziun da Guarda.
«Chà da Fö»
Il medem temp sco la premiaziun realisescha la Fuschina da Guarda sia nova cumparsa da la firma. La fuschina sa preschenta da nov sco «Chà da Fö» – la chasa dal fieu.
Las festivitads e la surdada dal premi d'innovaziun han lieu ils 23 da matg 2023, las 17:00 fin las 18:00 en la Chà da Fö a Giarsun.