Cun il material da plastic che la regiun ha rimnà entaifer in onn ha la firma Inno-Recycling producì radund 6,5 kilometers conducts per la protecziun da cabels, quai tenor la communicaziun da pressa da la Regiun Engiadina Bassa / Val Müstair. Tar il plastic rimnà tutgan tranter auter buttiglias, folias u er cups da jogurt.
Cun rimnar il plastic empè dad arder quel, hajan ins evità l’emissiun da 47 tonnas CO2, tant sco in auto producescha cun ir radund nov giadas enturn la terra. La conferenza dals presidents da la Regiun Engiadina Bassa Val Müstair ha perquai decis da cuntinuar cun il project e ramassar vinavant il plastic en la regiun.
La regiun Engiadina Bassa / Val Müstair aveva lantschà la rimnada sco project da pilot en collavuraziun cun la firma ch'è spezialisada per reciclar plastic.