Raschun principala è che la regiun aveva mess a disposiziun in chapital da basa per endrizzar il project. Suenter 2 onns avess quel stuì purtar sasez. Quai n'è dentant betg capità.
Las incumbensas principalas da quest post eran la registraziun e publicaziun da las differentas purschidas sportivas en la regiun, cussegliaziun e coordinaziun tar dumondas da scolaziun per promover il sport e finalmain er l'administraziun da finanzas.
Il 2018 aveva la Conferenza da presidents stgaffì quest post da coordinaziun per ina fasa da test. Surpiglià il mandat aveva la classa da sport da l'Institut autalpin.