La Conferenza da presidentas e presidents vul cuntinuar da princip cun il sustegn finanzial per il Parc naziunal svizzer. Las cunvegnas da prestaziun correspundentas vegnian dentant deliberadas da las singulas vischnancas. Quai scriva la Conferenza da la regiun Engiadina Bassa Val Müstair en ina communicaziun.
Plinavant ha la Conferenza approvà il quint 2023. Quel serra tar expensas da passa 4,3 milliuns francs cun in minus da var 1,8 milliuns francs.
Er annunzià ha la Conferenza da presidentas e presidents da sviluppar in «concept, che funcziuna sco instrument per garantir ina activa e vesaivla politica regiunala d'uffants e giuvenils» per l'attractivitad da la regiun per famiglias. Ed en chaussa premi d'innovaziun suondia ina communicaziun separada.
