Ultra da quai èn ils maschinists, che lavuran cun quella maschina sin in lai vegnids scolads specificamain e l' equipament sin la maschina è nov. Mintgin porta uss in cular da salvament, in satg da salvament ed ina suga cun sai.
Consequenzas suenter accident
Ils 11 da favrer 2015 è capità in accident tragic sin il lai da Silvaplauna. Ina maschina da far pista era rutta tras il glatsch ed era sfundrada sin 52 meters profunditad. Il maschinist giuven è mort. In accident, che na dastgia mai pli capitar, di la polizia chantunala sco er ils uffizis pertutgads.
Nova vestgadira duai era gidar
L’equipament sin las maschinas da far pista è spezialisà ed ils maschinists han survegnì scolaziun, co ch’els duain sa cuntegnair en cas ch’els crodan en l’aua fraida. Nov è era che tut ils maschinists portan in vestì setg, cura ch’els van per las emprimas giadas sin in lai a lavurar.
En l'Engiadina datti a partir dad immediat duas maschinas pitschnas da far pistas cun flottaders, uschènumnads «Schwimmers» novs. Senza quels, na pon ins betg pli ir sin in lai.
-
Bild 1 von 5. Dus maschinists cul vestì da protecziun. Ils maschinist na pon betg pli ir sin il lai senza equipament special. Bildquelle: RTR, U. Morell.
-
Bild 2 von 5. Ils culier da salvament. Il chefsfunsader Urs Grigoli montescha al maschinist il culier da salvament. Bildquelle: RTR, U. Morell.
-
Bild 3 von 5. Il vestì da protecziun. Quel vestì impedescha il najar. Bildquelle: RTR, U. Morell.
-
Bild 4 von 5. Ils flottaders da la maschina nova. In flottader paisa 906 kils. Bildquelle: RTR, U. Morell.
-
Bild 5 von 5. La nova maschina da far pista pitschna. La nova maschina ha in pais da 5,7 tonnas. Bildquelle: RTR, U. Morell.