Diesch lavurers han lavurà dus dis vi da las nov plazzas da glatsch da 20 sin 40 meters grondezza sin il Lej Suot a Silvaplauna. Mesirar ora las plazzas, deliberar ellas da la naiv, barschunar ellas e la fin dar aua per survegnir ina surfatscha glischa. E tut quai duas giadas pervia da las naiveras, raquinta Mario Egler, schef dals lavurers communals.
I saja stada in'emna intensiva per els. Il turnier da curling, la Coppa Romana la davosa fin d'emna, lura las naiveras ed uss il turnier da Pond Hockey. Ma quai saja oramai l'enviern, di el cun in surrir.
-
Bild 1 von 4Legenda: Cun palas ed ina maschina cun in barschun vegn ina plazza deliberada da la naiv. RTR, Riccarda Müller -
Bild 2 von 4Legenda: Ina da las plazzas ch'è anc cuverta da naiv. RTR, Riccarda Müller
-
Bild 3 von 4Legenda: Mario Egler e Hannes Tschudin en discussiun – il schef dals lavurers communals ed in dals 4 iniziants discutan la situaziun da las plazzas. RTR, Riccarda Müller
-
Bild 4 von 4Legenda: In'impressiun dal turnier dal 2018. MAD, Swiss Pond Hockey Championship
Pond Hockey
Il turnier da Pond Hockey va quest onn en sia 12avla ediziun. 66 teams giogan mintgamai en quatter cunter quatter gieus dad ina mes'ura. L'idea vegn da la Canada ed è vegnida purtada en Engiadina tranter auter da Hannes Tschudin. Cun excepziun da trais ediziuns han tuttas pudì vegnir giugadas sin il glatsch dal Lej Suot.
RR actualitad 17:00