En tut han las pendicularas fatg in gudogn da passa in milliun francs. Quai cunzunt grazia ad ina buna stagiun d'enviern 21/22. Las pendicularas Engiadina Mountains SA annunzian quai en lur rapport.
Las entradas tras la gastronomia èn puspè stà sin in nivel cumparegliabel cun avant la pandemia. Cun 37 milliuns francs èn las entradas tras las pendicularas perfin stà pli auts che durant las stagiuns 17/18 e 18/19 avant la pandemia.
En la grafica pon ins vesair ch'ils osps èn turnads suenter las mesiras cunter la pandemia da corona la stagiun 20/21.
Grazia a las cundiziuns bunas ed uffizis «prudents»
Gist sin il cumenzament da la stagiun 21/22 sajan ils giasts da l'Italia turnads. Ed ils uffizis svizzers sajan ids enturn en moda «prudenta» cun la pandemia da corona da quel temp. Ensemen cun ina stagiun da stad normala haja quai manà tar quest resultat, scrivan las pendicularas.
La radunanza generala da l'Engiadina San Murezzan Mountains SA ha lieu ils 11 d'avrigl en la halla polivalenta a Schlarigna.
