L’emprim concert ha cumenzà da mezdi cun il Diala Quartett en la baselgia da l’Ospiz a Müstair. Seguì è mintga ura plaina fin a mesanotg in auter concert u in referat da tut ils differents geners. Uschè han per exempel concertà ils sunatibas da la Val Müstair, la Musica Concordia Müstair che ha sunà sin Plaz Grond u er las mungias che han chantà la saira lur Complet – l’uraziun da notg.
Cun la participaziun al festival spetgan ins er ina bun’occasiun per far publicitad per tut la Val Müstair, ha declerà il president dal comité d’organisaziun e suprastant da Müstair Aldo Rodigari. Il festival Cantars/ «Kirchenklang» finescha ils 7 da zercladur 2015 a Son Gagl.