Documents istorics cumprovan ch'il spiritual Johannes de Grava da Müstair aveva cumprà l'onn 1228 en quest lieu in bain immobigliar per construir là ina chaplutta ed in ospizi. Ses intent era da dar albiert a viagiaturs, a malsauns ed a povers. En il 17avel tschientaner era il stabiliment vegnì destruì.
Dapi la fin d'avrigl fa il servetsch archeologic dal Grischun exchavaziuns pli grondas en la Val Müstair pervi d'in project da construcziun al sidost dal vitg.