Gia dapli blers onns vegn speculà quai che pertutga la colliaziun dals territoris da skis en Engiadina Bassa. Uss è quella integrada en il nov plan directiv. Ma il problem è ch’i dovra ina pendiculara da radund 9 kilometers.
In project per l'avegnir
Per ils proxims 10 onns na vegn quest project betg sin maisa. Tenor ils responsabels èsi dentant impurtant, d’avair questa colliaziun en il plan directiv era per la proxima generaziun.
Ulteriur project a Motta Naluns
Plinavant è integrada en il plan directiv era l’engrondiment dal territori da skis Motta Naluns. Previs èsi d’engrondir quel cun 2 sutgeras en direcziun Val Laver. Era quest engrondiment na vegn betg realisà ils proxims onns.