Ils puncts impurtants che mancan èn: ina finanziaziun segirada ed in’expertisa quant svelt che il pro da Polo sa remetta suenter l’eveniment. «Era il concept da traffic sto esser pli detaglià», uschia Berthod.
Da vart da l’organisaziun haja vinavant num che tut saja sin curs. «La finanziaziun è 100% garantida», uschia la presidenta dal comité d’organisaziun, Leta Joos. «Igl è dentant uschia che ils investiders principals, che portan la gronda part dals 4,5 milliuns francs, na vulan anc betg vegnir numnads.»
Il CSI da 4 stailas ha lieu ils 27 enfin 29 avust. Tenor Leta Joos na datti nagins problems. La partiziun sport ed events da San Murezzan turissem da sia vart vul avair sin maisa tut la fin da quest mais. Pir alura dattan els il permiss definitiv.