Ina gruppa d’amaturs da teater dals vitgs da Ftan, Sent e da Scuol han realisà in project particular. Il reschissur Christian Hänny ed il chantadur da la gruppa da roc «Rebels», Flurin Bezzola, han gì l’idea da realisar in teater musical. Inspirads d’in film Franzos han Christinan Hänny ed Aita Bazzell scrit il teater e Flurin Bezzola ha preparà cun sia band la musica.
Uschia è naschì il toc da teater «Vent dal nord», in teater per passa 20 acturs. Per realisar in tal project hai duvrà ina gronda gruppa da teater. Quai e be stà pussibel cun integrar acturs da tut las trais societads da teater da Ftan, Sent e da Scuol.
-
Bild 1 von 6. Aita BAzzell ha scrit e giugà il teater. Bildquelle: Armon Schlegel.
-
Bild 2 von 6. Il president communal ed il plevon. Bildquelle: Armon Schlegel.
-
Bild 3 von 6. Il saut da plaschair. Bildquelle: Armon Schlegel.
-
Bild 4 von 6. Vent dal nord, giugà da trais uniuns da teater. Bildquelle: Armon Schlegel.
-
Bild 5 von 6. La band da rock «Rebels». Bildquelle: Armon Schlegel.
-
Bild 6 von 6. Il zighingher e la mamma che midan bler en la vischnanca. Bildquelle: Armon Schlegel.
Cuntegn dal teater
En in vitg, nua ch'ils usits religius domineschan, arriva cun il vent dal nord ina dunna cun sia figlia. La populaziun che ha pregiudizis envers tut quai ch'è auter è irritada. Incidents per part fitg dramatics fan midar plaun plaunet lur opiniun. Quasi mintga persuna fa tras in svilup positiv. Figuras sblatgas daventan persunalitads.
Preschentaziuns
Vent dal nord vegn mussà en la Postremise a Cuira, ils 3 da november a las 20.00 ed ils 4 november a las 14.00. A Scuol suondan pliras represchentaziuns enfin als 17 da november.
RTR Telesguard 17:40