Durant trais onns eri vegnì construì a Susch ed uss è l'ovra da la mezena e milliardaria polaca Grazyna Kulcziyk pronta per il public: Il «Muzeum Susch» ha avert sias portas cun l'emprima exposiziun. La sonda passada è stada la vernissascha cun visitaders da dalunsch e damanaivel.
Tranter ils preschents ha la possessura dal Muzeum, Grazyna Kulcziyk, er savì beneventar prominenza da la Pologna – sco per exempel l'anteriur president da la Pologna Aleksander Kwaśniewski:
En l'emprima exposiziun da ses Muzeum vegnan mussadas ovras ord la collecziun da Grazyna Kulcziyk. L'intenziun saja da mussar art concepziunal cun in focus feminin e dar da reflectar – davart las rollas dad umens e dunnas:
En l’exposiziun «Ina dunna che guarda umens che guardan dunnas» duajan vegnir envidads ils visitaders dad ir en tschertga da las diversas fassettas dal feminin ed il feminissem – e quai anc fin ils 30 da zercladur 2019.
TR Telesguard 17:40