Las indicaziuns concretas ch’han la finala manà tar l’arrestaziun dals dus umens sajan vegnidas fatgas dals collavuraturs da la posta a Segl, communitgescha la polizia chantunala. Ils dus umens arrestads èn oriunds da la Lituania. Els hajan empruvà da midar bancnotas d’euros faussas en francs svizzers. La polizia ha alura pudì arrestar ils dus umens suspectads sin il pass dal Güglia.
