Actualmain ha la vischnanca da La Punt Chamues-ch d’eliminar pliras plantas ch’èn creschidas las ultimas emnas: per exempel en ierts u er perlung la riva da l’En.
Cunquai ch'ina unica darsvenna da Mantegazzi (Riesenbärenklau) porta fin 10’000 sems l’onn vegnan quels transportads cun il vent, tras l’uman e perfin sin la via d’aua en tut ils lieus pussaivels dal mund.
Tgi che ha contact cun il suc da la planta imposanta ed è expost al sulegl, ristga grevas blessuras ed arsentadas da la pel. Il suc da la planta cuntegna uschenumnads furocumarins. Substanzas che na fissan en sasez betg privlusas, ellas sviluppan dentant effects fatals en colliaziun cun la glisch dal sulegl. Il pli bler suc cuntegna il bastunet da la darsvenna giganta.
Eliminar consequentamain
Sch’ins vesa ina tala planta, duain ins annunziar quai a la vischnanca. Quella organisescha lura l’eliminaziun da la planta. En in emprim pass vegn taglià davent il chau da la darsvenna. Quai be cun guants e vestgadira lunga. La finala sto la planta vegnir sragischada cumplettamain.