Legenda:
Depressiuns è la malsogna numer 1 tar giuvens en la pubertad.
Reuters
cuntegn
Engiadina - Depressiuns tar giuvenils – betg guardar davent
Giuvenils èn adina confruntads pli savens cun depressiuns. In fatg enconuschent ch’ins sto tematisar. Il post da la Pro Juventute Samedan ha perquai organisà in referat cun Winfried Egeler e Francesca Pasini dal servetsch psichiatric per giuvenils a Samedan.
Finamira è da discurrer sur da la tematica, betg far in tabu ordlonder. Fatg saja numnadamain che adina dapi giuvens pateschan da depressiuns.
La masogna numer in en la pubertad
Tenor Winfried Egeler saja quai la malsogna numer 1 tar giuvens en la pubertad. E quella tendenza na correspunda betg mo per citads. Ils giuvens èn numnadamain dapertut sut la medema pressiun. Finamira dal referat è da mussar co ch'ins po gidar a giuvens èn ina tala situaziun. Ed era co ch'ins po identifitgar signals che mussan ch’igl è temp per agid professiunala.
