La regiun da skis Corviglia, Marguns, Piz Nair è uschè gronda ch’ils sportists che passentan lur vacanzas en l'Engiadin’Ota na badan betg grond il travasch dal cup mundial da skis quests dis. Malgrà ch'in’entira spunda è serrada per las differentas cursas, han ils sportists anc adina la pussaivladad da traversar la muntogna via tunnels.
In auter mund da l’autra vart da la muntogna
Per quels che na vulan insumma betg vegnir involvids en la gestiun da las cursas, datti la regiun da skis da Marguns, nua ch’ins na bada strusch nagut dal final da las cursas da l’autra vart da la muntogna.
Quai saja er bun uschia, manegia la gronda part dals giasts. Mintgin possia uschia decider sez tge ch’el vul: Emoziuns e festa dad ina vart, quietezza e divertiment sin pista da l’autra vart.
Anfang Bildergalerie
Bildergalerie überspringen
-
Bild 1 von 3. Pistas bunamain vidas dad ina vart da la muntogna. Bildquelle: RTR, A. Caprez.
-
Bild 2 von 3. L'arena da Salastrains cun l'arriv da las cursas dal cup mundial da skis è emplenida bain. Bildquelle: RTR, A. Caprez.
-
Bild 3 von 3. Era lung la pista da cursa datti dapertut aspectaturs. Bildquelle: RTR, A. Caprez.
Ende der Bildergalerie
Zurück zum Anfang der Bildergalerie.