La radunanza generala da la Selva, l'associaziun dals possessurs da guaud dal Grischun na vesa betg grondas schanzas da cumbatter ils pretschs da laina fitg bas. Il pretsch per in m3 laina da pign e crudà infra 6 onns per radund 20 francs. Quai èn radund 17%. Quai tenor indicaziuns da la Selva. Uschia appelleschan ils possessurs da guaud da sensibilisar la glieud da cumprar laina svizra era sche quai custa dapli. Gist ils possessurs da guaud èn en blers cas vischnancas e quellas stoppian cumprar laina indigena per fabritgar. Uschiglio na saja quai betg vardaivel.
Danuser e Zanetti nov en suprastanza
La radunanza generala da la Selva a San Murezzan ha elegì nov en suprastanza ils dus deputads Kenneth Danuser e Livio Zanetti. Il rest da la suprastanza cun il president Leo Thomann è vegnì reelegì.