Siglir tar il cuntegn
Edy durant l'avertura dals campiunadis mundials da skis a San Murezzan l'onn 2017.
Legenda: La figura Edy durant l'avertura dals campiunadis mundials da skis a San Murezzan l'onn 2017. Keystone

Engiadina Edy – nagina schanza pli

Il chau dad Edy na vegn betg puspè montà. La suprastanza communala da San Murezzan ha refusà la dumonda per ina lubientscha temporara da puspè montar il chau a Salastrains. Uschia n'ha l'Uniun Save Edy betg cuntanschì sia finamira – malgrà ch'ils daners fissan stads avant maun.

La dumonda per ina lubientscha temporara da puspè montar il chau dad Edy a Salastrains ha la suprastanza communala refusà. L'enviern passà era quai anc stà pussaivel. L'Uniun Save Edy aveva perquai tschentà la dumonda d'anc ina giada considerar la dumonda.

Glindesdi, ils 15 d'october, ha la suprastanza communala fatg la reponderaziun e decis definitivamain:

Las disposiziuns legalas n'èn betg dadas per dar in permiss.
Autur: Sigi Asprion president communal

Ils iniziants da Save Edy han be pli la schanza da spendrar Edy, sch'in fan, en u ordaifer l'Engiadina, fiss pront da metter a disposiziun in lieu per plazzar il chau da Edy.

RR actualitad 08:00

Artitgels legids il pli savens