Il Piz Bernina tutga tar in magnet per ils circuls dals alpinists. La muntogna la pli auta dal Grischun attira cun ses 4049 meters sur mar mintga stagiun var 2000 alpinistas ed alpinists.
4 morts l' avust
Durant questa stagiun èn capitads dus accidents fatals, nua che 4 persunas èn mortas. Il singular è, che quels accidents èn capitads en il medem lieu – al cumenzament dal Spih dal Bianco.
Il motiv per quels accidents n'è betg cler – forsa è tut mo casualitad, disfortuna u la concentraziun che mancava.
Ina tura che pretenda plaina attenziun
Il Piz Bernina è ina tura, che pretenda da l'entschatta fin tar l'ultim mument plaina concentraziun. Passaschas da clav datti ina massa, ils alpinists discurran da var set. Ma era en lieus main privlus è il privel da crudar omnipreschent.
Anfang Bildergalerie
Bildergalerie überspringen
-
Bild 1 von 8. La partenza per la tura sin il Piz Bernina. La tura cumenza tar la Chamona dal Tschierva. Bildquelle: Ulrica Morell.
-
Bild 2 von 8. Impressiun da la damaun. La tura sur il Spih dal Bianco sin il Piz Bernina enfin la chamona da Marco e Rosa dura var 9 uras. Bildquelle: Leo Luminatti.
-
Bild 3 von 8. Per stagiun var 2000 alpinistas ed alpinists. Il Piz Bernina cun ses Spih dal Bianco è stimà tar alpinists. Var 2000 persunas per stagiun passan sur il Spih dal Bianco sin il Piz Bernina cun ses 4049 meters sur mar. Bildquelle: Ulrica Morell.
-
Bild 4 von 8. Passascha d'clav. Il dent dal squagl è ina da las passaschas d'clav. Bildquelle: Leo Luminatti.
-
Bild 5 von 8. La Crast'Alva è pretensiusa. Il Spih dal Bianco ( la Crast'Alva ) è il magnet per blers alpinists. Bildquelle: Leo Luminatti.
-
Bild 6 von 8. Il Spih dal Bianco. Naiv frestga fa vegnir pli simpel il Spih dal Bianco. Bildquelle: Leo Luminatti.
-
Bild 7 von 8. Il Piz Bernina. Enfin avust èn stads var 600 alpinists sin il Piz Bernina. Bildquelle: Leo Luminatti.
-
Bild 8 von 8. Lingia da crudada . Ils quatter disgraziads sun crudads al medem lieu. Bildquelle: Dominik Hunziker.
Ende der Bildergalerie
Zurück zum Anfang der Bildergalerie.
RR actualitad 08:00