Engiadina - Gia pajà 700'000 francs per donns da bovas a Scuol
Ils donns da las bovas da questa stad han fin ussa custà a la vischnanca da Scuol 700'000 francs. Quai ha declerà il president communal Christian Fanzun durant la radunanza communala da glindesdi saira.
Legenda:
Bovas a Scuol
Ils donns da las bovas a Scuol da la stad passada n'èn anc betg tuts reparads.
RTR
2 / 3
Legenda:
Bovas a Scuol
Scuol ha gì gronds custs per reparar ils donns da las bovas da questa stad.
RTR
3 / 3
Legenda:
Las bovas a Scuol da questa stad.
Ils donns da las bovas han fin ussa chaschunà custs da 700'000 francs per la vischnanca.
RTR
Quests daners pertutgan però be ils donns vid objects u terren public. Tut ils donns da persunas privatas n'èn betg cumprais.Sper ils donns gia reparads datti anc divers donns ch'ins n'ha fin ussa anc betg pudì reparar.
Per exempel il passadi en Val S-charl nua ch'il militar ha plazzà ina punt d'urgenza. Quella po anc restar enfin zercladur 2016. Enfin lura sto Scuol elavurar in project per refar il passadi. Cun tge custs che Scuol sto anc quintar per refar tut ils donns n'è enfin ussa anc betg enconuschent. I sa tractia dentant da summas remartgablas, ha ditg Fanzun.
