L’onn 2013 ha la populaziun dal chantun Grischun refusà ina candidatura per ils gieus olimpics 2022, quai cun 47,3 % gea encunter 52,7 % na. Trais onns pli tard è il tema danovamain sin maisa. Questa giada duain ils gieus esser pli durabels e decentrals.
Il «Tavulin»
Las partidas politicas da la regiun Engiadin’Ota han organisà in Tavulin cun Jon Domenic Parolini, cusseglier guvernativ, Ahriane Ehrat, CEO destinaziun San Murezzan, Gian Gilli, expert da sport e Philipp Wilhlem, president da la Partida socialdemocratica Grischuna (PS).
Oravant tut il proceder da laschar votar duas giadas la populaziun ha dà da discurrer. Per ils adversaris èn avant maun anc memia paucas infurmaziuns detagliadas per ir avant il pievel.
-
Bild 1 von 3. Radund 150 persunas èn stadas preschentas al podium davart il tema «gieus olimpics 2026». Bildquelle: RTR, Georg Luzzi.
-
Bild 2 von 3. L'interess per il podium è stà grond. Bildquelle: RTR, Georg Luzzi.
-
Bild 3 von 3. Ils quatter participants al podium, da sanestra: Philipp Wilhelm, Ariane Ehrat, Gian Gilli e Jon Domenic Parolini. Bildquelle: RTR, Georg Luzzi.
Ils aderents en persvas che la populaziun duai l'emprim votar sur d’in credit per il project preliminar che prevesa da rimnar las infurmaziuns detagliadas. En ina segunda votaziun duai alura il pievel decider sur dal project sez.
Il Cussegl grond tracta il credit da 25 milliuns francs per realisar il project preliminar en la sessiun dals 5 fin ils 7 da december 2016. La votaziun dal pievel è lura ils 12 da favrer 2017.
RR actualitad 07:00