A Tschlin avra ina nova bieraria «Girun». Ina bieraria speziala e transparenta che cumpiglia la bieraria, in restorant, ina butia ed in local d'exposiziun. En quel han giasts che rivan sisum la fracziun da Tschlin la pussaivladad da guardar al bierer sur la spatla or e vesair, co che la biera vegn producida.
150 hectoliters biera prevesa il bierer Geyer da producir l'emprim onn. Ina biera tradiziunala clera, ina biera da furment ed ina biera ferma «Indian Pale Ale».
Ambiziuns internaziunalas
En prima lingia vul il bierer Florian Geyer vender sia biera en la regiun. Ma fin tar il cunfin cun l’Austria e cun l’Italia mancan paucs kilometers. Perquai prevesa el da chattar interessents era ordaifer il pajais.
-
Bild 1 von 4. La bieraria cun vista fenomenala sin las muntognas da l’Engiadina Bassa. Bildquelle: RTR, Dario Müller.
-
Bild 2 von 4. Il local da gastronomia è exsposiziun da la bieraria Girun. Bildquelle: RTR, Georg Luzzi.
-
Bild 3 von 4. L'indriz per serrar las buttiglias. Bildquelle: RTR, Georg Luzzi.
-
Bild 4 von 4. Ils tancs giu en il tschaler da la bieraria. Bildquelle: RTR, Georg Luzzi.
RR actualitad 17:00