Il lieu Sclamischot en Engiadina Bassa sa chatta tranter Strada e Martina ed è fitg spezial cun ina grondezza limitada. Sin quel areal han lieu maximalmain 150 persunas. Spezial è er il stil da musica ch’ins auda durant il festival. Uschia cumenza quel open air cun musica populara e finescha cun musica da rock rumantsch.
TSU han inizià il festival
Ils iniziants e organisaturs èn la gruppa da Rock TSU «Tschierv sül urogal» cun Otmar Derungs a la testa. Tar l’emprima ediziun avant 10 onns eran ils Engiadinais l’unica gruppa sin il program. Uss, 10 onns pli tard, èn 8 gruppas da la partida.
Program cumenza sonda saira a las ses
Da la partida èn la Chapella Engiadina, Paulin Nuotclà ed amis, ils Fränzlis da Tschlin, Dure (musica populara psychedelica). A partir da las 22 h èn vidlonder Influenza, Reat, Snook e finalmain ils organisaturs sez, la gruppa TSU.
-
Bild 1 von 4. Perfin ina fermativa dal auto da posta datti a Sclamischot. Bildquelle: RTR, R. Mayer.
-
Bild 2 von 4. Il areal dal open air Sclamischot è limità cun var 20 sin 20 meters surfatscha. Bildquelle: RTR, R. Mayer.
-
Bild 3 von 4. La tribuna è gia pronta per la 10avla ediziun dal open air Sclamischot. Bildquelle: RTR, R. Mayer.
-
Bild 4 von 4. TSU cun Otmar Derungs, Duri Famos e Curdin Caspescha. Bildquelle: RTR, R. Mayer.