Legenda:
L'hotel Misani a Schlarigna – en avegnir in Boutique-Resort.
RTR, Riccarda Müller
cuntegn
Engiadina - Hotel Misani cun nova funcziun
Il hotel Misani a Schlarigna serra sia porta sco hotel tradiziunal. L’acziunari principal Peter Dietiker ha vendì l’immobiglia pervia da la vegliadetgna da pensiun. La nova possessura è la Simmen Invest AG da Pfäffikon (SZ). Quella vul far or dal hotel Misani in Boutique-Resort.
Dapi l’onn 2000 vegn l’hotel Misani manà cun success da Jürg Mettler. Sut sia direcziun è quai hotel vegnì valità ils ultims onns sco in dals megliers hotels da trais stailas da la Svizra.
En avegnir abitaziuns empè da stanzas
Ils plans da la Simmen Invest AG è da realisar in Boutique-Resort. Tenor Simon Käslin, il responsabel per la planisaziun vegnan las 39 stanzas midadas in 13 abitaziuns. Quellas vegnan manadas en furma d’hotel. Plinavant datti er ina ustaria, dentant mo per ils giast da l’hotel.
