Nov fittadin da l’edifizi dal 1874 è la societad Laudinella. Quella aveva l’intenziun da renovar ed engrondir l’Hotel Laudinella per 65 milliuns francs e duvrar il Hotel Reine Victoria per surmuntar il temp da fabrica. Ils plans han ils responsabels dentant spustà sin suenter il campiunadi mundial da skis a San Murezzan l’onn 2017.
Glischentar l’hotel
Il contract cun ils possessurs da l’Hotel Reine Victoria è restà uschia che la societad ha decis dad avrir puspè las portas da la chasa istorica. Perquai han ins pulì e renovà levamain las 144 stanzas ch’èn sparpagliadas sin 5 plauns. La gronda part da las lavurs hajan ins pudì far cun atgna glieud ha declerà la vicedirectura da l’Hotel Laudinella, Andrea Cologna.
Manar dus hotels en ina
Ina da las sfidas che la societad Laudinella ha uss è da manar las duas chasas il medem mument. Actualmain lavuran 160 emploiads en in dals dus manaschis. Per la gestiun da l'Hotel Reine Victoria quintan ins cun 30 persunas che lavuran da l'autra vart da la Via dal Bagn a San Murezzan. Nova directura da l'hotel è Mirjam Bolt.
L’Hotel Reine Victoria ha quatter stailas e vegn manà a partir dals 8 da december 2015 sco garni. Cunquai che l’hotel sa chatta be da l’autra vart da la via, pon ils giasts trair a niz la purschida da l’Hotel Laudinella cun ses 6 differents restaurants.
-
Bild 1 von 9Legenda: L'Hotel Reine Victoria a San Murezzan RTR/A. Caprez
-
Bild 2 von 9Legenda: Andrea Cologna, la vicedirectura da l'Hotel Laudinella RTR/A. Caprez
-
Bild 3 von 9Legenda: In sguard vers ils sulers da l'edifizi dal 1874 RTR/A. Caprez
-
Bild 4 von 9Legenda: In dals 47 lampadaris en l'Hotel Reine Victoria. En tut èn quai 500 pairs che glischan. RTR/A. Caprez
-
Bild 5 von 9Legenda: Mintgin dals 5 plauns portan fastitgs da la "Belle Epoque" RTR/A. Caprez
-
Bild 6 von 9Legenda: Las ultimas lavurs avant la gronda reavertura RTR/A. Caprez
-
Bild 7 von 9Legenda: Anc n'èn betg tut ils locals pronts per beneventar ils emprims giasts RTR/A. Caprez
-
Bild 8 von 9Legenda: La sala da teater nua che Herbert von Karajan ha gia dirigì RTR/A. Caprez
-
Bild 9 von 9Legenda: Punctualitad era ina da las premissas per tschainar en l'Hotel Reine Victoria RTR/A. Caprez