Siglir tar il cuntegn

Header

video
Chalandamarz – da return suenter dus onns pausa
Or da Telesguard dals 01.03.2022.
laschar ir. Durada: 3 minutas 45 Secundas.
cuntegn

Engiadina Il Chalandamarz è enavos

Suenter dus onns «pausa da corona» ha il Chalandamarz puspè lieu. Cun plumpas, brunsinas, zampuns, scrollas e giaischlas van ils uffants l’emprim da mars tras il vitg e stgatschan l’enviern. Mintga vischnanca ha sias atgnas tradiziuns. Uschia a tunan era las melodias da las chanzuns da Chalandamarz nagliur tuttina.

Differenta vestgadira

Era las blusas blauas e las chapitschas cotschnas na valan betg dapertut sco vestgì da Chalandamarz. En bleras vischnancas vegn decorà bler cun rosas da palpiri. Organisada vegn la festa savens da las scolaras ed ils scolars ils pli vegls – las patrunas ed ils patruns.

Chalandamarz manchentà

Entant ch’ils blers uffants sa legran che l’usanza da Chalandamarz po puspè vegnir festegiada quest onn, èn auters plitost trists. Pervi da la pandemia han els manchentà lur Chalandamarz. Quel mument en la 9avla classa, cura ch’els èn sez ils patruns e las patrunas da la festa.

audio
Chalandamarz n'hai betg dà per tuts ils ultims dus onns
ord Actualitad dals 01.03.2022.
laschar ir. Durada: 3 minutas 35 Secundas.

 Nino Grossrieder e Ladina Grass èn dus dals giuvenils che stattan simbolic per tut quellas e quels che han gì da desister ils ultims dus onns sin lur Chalandamarz tut persunal.  

Usanza antica

L’usanza da Chalandamarz è ina veglia restanza dal temp dals Romans cur ch'il mars era l’emprim di dal chalender giulian. Cun il ritual pajaun vul ins stgatschar ils nauschs spierts da l’enviern e clamar uschia la primavaira. Part da quella usanza èn prest dapertut tils ed in bal la saira.

video
Grond travasch da Chalandamarz suenter 2 onns «quarantina»
Or da Giuventetgna dals 01.03.2022.
laschar ir. Durada: 3 minutas 8 Secundas.

RTR actualitad 06:00

Artitgels legids il pli savens