Bun 260 jodladers e jodladras èn viagiads en l'Engiadina per l’inscunter annual. Organisà l'inscunter ha il cor da jodladers indigen «Oberengadiner Jodelchörli». L’eveniment ha attratg er ina pluna giasts ch’èn rivads a Puntraschigna per giudair il chant da jodel en la baselgia San Niculò e davant il center da congress Rondo.
Er insatge per l’egl
Tipic per il di grischun dals jodladers 2016 èn er ils costums da tut las colurs pussaivlas. Dasper il costum da lavur grischun, èn stads represchentads bunamain tut ils chantuns da la Svizra cun in u l’auter costum.
Betg tipic per l’Engiadina
En sasez na tutgia il chant da jodel betg tar tut las regiuns, fin avant 28 onns era betg tar l'Engiadina. Entant saja quai dentant simplamain ina chaussa dal cor, ha declerà il president dal comité d’organisaziun, Theo Cavegn. Ins pudess er dir ch’i sa tracta d’ina sort Swiss Miniature, nua che persunas sa chattan che han simplamain plaschair dal chant.
Cumenzà or d’in jux
Edwin Federspiel è sa decidì avant paucs mais, da cumenzar a chantar tar il cor da jodladers d’Engiadin’Ota. Che quai saja simplamain stà in’idea spontana dad el. Uss saja surtut d'emprender ordadora ils texts per pudair chantar las melodias senza agid.
Pli auta jodladra da la Svizra
Da la partida a l’inscunter annual è era stada Karin Niederberger, la presidenta da l’Uniun federala da la jodladers. Per ella stat surtut la cuminanza ed il chant en il center tar tut ils inscunters da jodladers.
-
Bild 1 von 11. Karin Niederberger, la pli auta jodladra svizra. Bildquelle: RTR, Anna Caprez.
-
Bild 2 von 11. Durant las represchentaziuns en baselgia vala silenzi absolut. Bildquelle: RTR, Anna Caprez.
-
Bild 3 von 11. Adina puspè datti occasiuns per ina baderlada. Bildquelle: RTR, Anna Caprez.
-
Bild 4 von 11. Edwin Federspiel che ha cumenzà pir avant paucs mais a jodlar. Bildquelle: RTR, Anna Caprez.
-
Bild 5 von 11. Johanna Schnitzler e Carla Planta en lur costums engiadinais. Bildquelle: RTR, Anna Caprez.
-
Bild 6 von 11. Il jodlader Beat Casutt. Bildquelle: RTR, Anna Caprez.
-
Bild 7 von 11. Tipica pusiziun d'in jodlader cun ils mauns en giaglioffa. Bildquelle: RTR, Anna Caprez.
-
Bild 8 von 11. Peter Hertner (sanester) e Theo Cavegn, il president dal comitè d'organisaziun da l'inscunter en Engiadina. Bildquelle: RTR, Anna Caprez.
-
Bild 9 von 11. Luzi Kindschi, il president da l'uniun da jodladers grischuna. Bildquelle: RTR, Anna Caprez.
-
Bild 10 von 11. Il cor da jodladers da l'Engiadin'Ota. Bildquelle: RTR, Anna Caprez.
-
Bild 11 von 11. Ils jodladers sa radunan per l'act uffizial. Bildquelle: RTR, Anna Caprez.
Mauns en giaglioffa
Ch’ils chantadurs tegnan lur mauns en giaglioffa durant il chant per rivar da chantar er ils tuns pli auts, saja be ina fama. La raschun ch’ils mauns èn zuppads durant il chant saja dentant quella, ch’ils purs en lur vestgadira da dumengias, avevan savens betg mauns uschè nets ed ils zuppavan perquai en giaglioffa.
In dals puncts culminants da l’inscunter annual questa giada en Engiadina è stà il chant cuminaivel da tut ils jodladers sin il plaz avant il center da congress a Puntraschigna.