Siglir tar il cuntegn
Carta cun las novas sutgeras e pendicularas ch'èn planisadas a Samignun.
Legenda: Ina da las cabinas è in access nà da Samignun, tschella nà da la fracziun da Laret/Compatsch. Plinavant èn previsas duas novas sutgeras. RTR, Grafica

Engiadina Il territori da skis da Samignun po crescher

Il suveran da Samignun ha ditg gea cun passa 69% ad in engrondiment dal territori da skis che cumpiglia tranter auter duas novas cabinas che collian il vitg da Samignun cun il territori da skis Samignun-Ischgl.

Il territori da skis da Samignun-Ischgl è in dals gronds en la regiun da las Alps – uss po quel crescher vinavant. Cun passa 69% ha il suveran da Samignun numnadamain decis da dar il dretg da construcziun per duas cabinas che collian la vischnanca da Samignun cun il territori da skis. En pli prevesa il project duas novas sutgeras. Radund 90 milliuns vegn l'entir project a custar.

Tenor la vischnanca è l’engrondiment la suletta schanza per promover l’economia futura ed era per far frunt a la depopulaziun. Cunzunt organisaziuns da l'ambient avevan crititgà ch'i saja la via fallada d'investir tut en il turissem d'enviern.

RR novitads 14:00

Artitgels legids il pli savens