Ils 21 d'october hai dà in incendi tar la staziun a val da la Bergkastelbahn a Nauders/Danuder. Las flommas han destruì tut la tecnica da la
pendiculara en la staziun a val. Las pendicularas stiman ils donns sin radund 5 milliuns francs. La raschun da l'incendi tar la staziun a val n'è betg enconuschenta. Las pendicularas eran londervi da renovar e modernisar la staziun a val.
Reconstrucziun enfin ils 10 da december
Las pendicularas da Nauders vulan ussa reconstruir la staziun a val enfin ils 10 da december per uschia pudair salvar la stagiun da skis e surtut il temp impurtant durant Nadal. La reconstrucziun da la staziun a val en pauc dapli che 1 mais è dentant ina sfida enorma. Tant ils collavuraturs da las pendicularas, sco era las interpresas che furneschan la tecnica per la pendiculara ston ussa lavurar quasi di e notg per pussibilitar che la pendiculara possia cumenzar la stagiun d'enviern sco planisà ils 10 da december.
-
Bild 1 von 4. La Bergkastelbahn donnegiada suenter l'incendi dals 21.10. Las lavurs da reconstrucziun han cumenzà suenter l'incendi. Bildquelle: RTR,D. Spinnler.
-
Bild 2 von 4. La staziun a val da la Bergkastelbahn è arsa. La staziun a val da las pendicularas è donnegiada dal tuttafatg. Bildquelle: RTR/D. Spinnler.
-
Bild 3 von 4. Suenter in incendi sto Nauders refar dal tuttafatg la staziun a val da las pendicularas. Bildquelle: RTR, D. Spinnler.
-
Bild 4 von 4. Lavurs da reconstrucziun. Enfin ils 10 da december duai la staziun a val da la Bergkastelbahn a Nauders esser reconstruida. Bildquelle: RTR/D. Spinnler.