Sur En Sent è ina da las pitschnas fracziuns da la vischnanca da Scuol e sa chatta sper l’En a l’entrada da la Val d‘Uina. Ma er sche quella fracziun dumbra be 15 abitants - las activitads èn multifaras.
A Sur En na datti durant ils mais d’enviern nagin sulegl. Perquai èn ils abitants da la fracziun sa spezialisads sin la purschida d’offertas da glatsch.
Ina via da glatsch per patinar, in glatsch per trair tschoccas, in clutger da glatsch per raiver e sco grond’attracziun sin la plazza da campadi: in chastè da glatsch. Quellas purschidas èn stadas bunas alternativas tranter las festas e Bumaun, cura che la naiv mancava.
