Avant dus onns ha il glaziolog da Samedan Felix Keller fabritgà l'emprim stupa da glatsch da l'Europa en la Val Roseg. L'onn passà è lura vegnida fundada la societad Ice Stupa International ed in entir vitget da stupas è creschì a Morteratsch.
Quest onn ha Puntraschigna giavischà d'integrar ils uffants. Perquai han Felix Keller e l'architect Conradin Clavuot decidì da fabritgar in chastè.
-
Bild 1 von 7. In pau sco ina grond iglu è il stupa da glatsch a Morteratsch. Bildquelle: RTR, Riccarda Müller.
-
Bild 2 von 7. Anc n'è betg l'entir chastè surtratg da glatsch. Bildquelle: RTR, Riccarda Müller.
-
Bild 3 von 7. Senza chapellina n'èsi betg da cussegliar dad ir en il stupa da glatsch. Bildquelle: RTR, Riccarda Müller.
-
Bild 4 von 7. I dovra in pau curaschi da passar tras ils differents sulers dad ina stanza en l'autra cun tut las chandailas da glatsch. Bildquelle: RTR, Riccarda Müller.
-
Bild 5 von 7. Imposantas èn las millis chandailas da glatsch che pendan dal palantschieu sura. Bildquelle: RTR, Riccarda Müller.
-
Bild 6 von 7. Il glaziolog e president da la societad Ice Stupa International Felix Keller ed il vicepresident ed architect Conradin Clavuot (da sanestra). Bildquelle: RTR, Riccarda Müller.
-
Bild 7 von 7. Ils trais musicists han dà tut malgrà las fradaglias. Bildquelle: RTR, Riccarda Müller.
Cun radund 300 scolars da l'Engiadin'Ota ed il Puschlav han ils dus umens damai fabritgà quest atun la construcziun per il Ice Stupa Palace cun salesch. La finamira era da proteger il cor da glatsch cun in grond chastè enturn ed enturn.
Inauguraziun e finamira
La sonda è il chastè vegnì inaugurà. L'attracziun principala era la pussaivladad d'ir en il stupa protegì cun chapellina e cun charpellas vi dals pes. La construcziun da salesch è gia per gronda part surtratga cun glatsch, dal palantschieu sura pendan millis da chandailas da glatsch.
Entant ch'il stupa da glatsch a Morteratsch duai «mo» sensibilisar per la tematica aua èn ils constructs a Ladakh en India, nua ch'els èn vegnids inventads, reservuars d'aua per ils purs la stad e l'atun.
RR actualitad 06:00