Manar ensemen dus passiuns, numnadamain l’alpinissem ed il film, quai è la finamira dal Swiss Mountain Film Festival. Gia per la 5avla gia realisescha la vischnanca da Puntraschigna ensemen cun l’Associaziun internaziunala per festivals da kino, in festival cun films documentars che sa fatschentan dal tema viver en las muntognas ed alpinissem. Mussà vegnan tranter auter films e fotografias da tut las regiuns alpinas dal mund.
Radund 100 enfin 120 persunas per saira
Tants aspectaturs ha il Swiss Mountain Film festival a Puntraschigna il mument ha ditg il president Roberto Gualdi. Quai è in cumenzament, ma cuntents n'èn ils organisaturs betg. Festivals en Italia ch'els organiseschan hajan enturn 600 aspectaturs. Gualdi è conscient che quai dovra temp e perseveranza.
Omagi a Walter Bonatti
In dals puncts culminants da quest onn èn 3 films davart l’alpinist talian Walter Bonatti. En la scena d’alpinissem valia el numnadamain sco in dals pli gronds alpinists en tut l’istorgia. Dus da quests films vegnan preschentads ord concurrenza e duessan exclusivamain enritgir il festival. Marcello Negrini da Coltura en Val Bregaglia ha conuschì persunalmain Walter Bonatti. Sco per blers alpinists è el in grond idol.
-
Bild 1 von 3. In dals 17 films ch'èn en concurrenza durant quests dis. Bildquelle: K2 and the Invisible Footmen.
-
Bild 2 von 3. In dals blers citats da Walter Bonatti ch'el ha laschà enavos. Bildquelle: RTR, V.Rominger.
-
Bild 3 von 3. Ina part da la collecziun da Marcello Negrini, sur da l'alpinist taliaun Walter Bonatti. Bildquelle: RTR, V.Rominger.
RR actualitad 08:00