Engiadina - In lieu per «chillar» per ils giuvens da la Plaiv
Cun ina festina han ils giuvenils da las vischnancas tranter La Punt e S-chanf inaugurà lur nov center per giuventetgna en las localitads sut la plazza da glatsch a Zuoz. En lur reginam possian els s'inscuntrar e passentar lur temp liber en cumpagnia.
Legenda:
In lieu per «chillar» suenter la lavur fatga.
mad
2 / 7
Legenda:
L'act festiv cun l'inauguraziun dal nov center per giuvenils.
mad
3 / 7
Legenda:
Ils giuvenils han er pudì mussar ch'els èn lavurus.
mad
4 / 7
Legenda:
Lara e Giuliana èn loschas dal nov center per giuvenils a Zuoz.
RTR, Anna Caprez
5 / 7
Legenda:
L'emprima part dal project ha duvrà engaschament da tuts.
mad
6 / 7
Legenda:
Durant uras ed uras han ils giuvenils lavurà per crear lur oasa.
mad
7 / 7
Legenda:
Ina tempra da bar en il center da giuvenils.
RTR, Anna Caprez
Tar il project che vegn manà da Fredy Bär, n’è dentant betg be l’idea da dar als giuvenils in lieu per sa scuntrar, mabain er per realisar adina puspè projects cuminaivels. La resonanza tar ils 56 scolars dal stgalim aut saja stada cun var 40 annunzias fitg auta, uschè il deputà da la vischnanca, Romeo Cusini.
In lieu be per nus
Radund 20 giuvenils s’han engaschà durant uras ed uras en las novas localitads e transmidà quellas en in’oasa per els. Il pli impurtant saja, d’avair in lieu nua ch’els possian esser tranter dad els, senza disturbar auters, uschia il resun.
Ina bar, in chantun per far musica cun ina lounge per «chillar» porschan als giuvenils lieu per s'inscuntrar. En lur reginam datti dentant er pussaivladad da giugar a billiard u fussballino.
