Engiadina - In zic sco in carussel: la sutgera da Languard
Igl è ina sutgera pitschna per duas persunas – dentant è ella unica en l'Europa. Igl è numnadamain l'unica sutgera che fa ina gronda storta e mida direcziun. La sutgera è fitg plauna, ma per la paja pon ins giudair la survista.
Il motiv che la sutgera va mo plaunet vers l’alp Languard è, ch'ella è gia pulit veglia (1991) e n’è betg accuplabla. Uschia ston ins laschar ir la sutgera plaun, uschiglio fiss quai malsegir e pac empernaivel da seser sisur.
Suenter circa in terz dal tschancun spetga il punct culminant dal viadi. La sutgera fa lura ina pulita storta, quai grazia ad ina roda cun dents. I dat ina pitschna scurlattada e suenter va i vinavant a dretg ora.
Sisum la sutgera sa chatta in restaurant e davent da là pon ins ir a chaminar vers Muottas Muragl. Sin il viadi vers Muottas Muragl passan ins sperasvi tar il Munt da la Bês-cha.
audio
Mezdi: Penditura - impressiuns dal Munt da la Bês-cha en discurs cun Selina Nicolay (manadra da l'ustaria)
04:35 min, ord Actualitad dals 28.07.2016.
laschar ir. Durada: 4 minutas 35 Secundas.
audio
Mezdi: Penditura - live da l'alp Languard
03:33 min, ord Actualitad dals 28.07.2016.
laschar ir. Durada: 3 minutas 33 Secundas.
Selina Nicolay ed il Munt da la Bês-cha
Legenda:
Selina Nicolay
maina il restaurant sin il Munt da la Bês-cha sin 2230 meters sur mar.
RTR, Fabia Caduff
Selina Nicolay maina il restaurant sin il Munt da la Bês-cha sin 2'230 meters sur mar. Mintga di fa ella il viadi da Bever fin tar il restaurant. Ensi vai cun la pendiculara ed engiu a pe.
Perquai ch'il restaurant n'è betg cuntanschibel directamain cun auto ni cun ina pendiculara, ston las bavrondas vegnir transportadas cun in helicopter. Las mangiativas portan Selina e ses team sez enfin en il restaurant. Gia il basat ed il non da Selina Nicolay han manà il restaurant da la Bês-cha.
1 / 10
Legenda:
La stutgera da la Languard e l'unica sutgera en Europa cun ina stipa storta.
RTR; Fabia Caduff
2 / 10
Legenda:
Noss redactur Ursin Lechmann sin penditura, oz a Puntraschigna. La Languard e sia 7 avla pendiculara da quest emna.
RTR, Fabia Caduff
3 / 10
Legenda:
La storta da Languard...
RTR, Fabia Caduff
4 / 10
Legenda:
Quels che na ristgan betg dad ir cun la sutgera han la pussaivladad da chaminar vers Languard.
RTR, Fabia Caduff
5 / 10
Legenda:
Davent da la sutgera da Languard vesan ins ils cumins da l'Engiadin'Ota.
RTR, Fabia Caduff
6 / 10
Legenda:
La survista davent da l'alp Languard.
RTR, Fabia Caduff
7 / 10
Legenda:
Navent da l'alp Languard sa po far differentas turas. Nus giainsa en direcziun dal Munt da la Bês-cha e Muottas Muragl.
RTR, Fabia Caduff
8 / 10
Legenda:
Suenter bundand 45 minuts sa riva tar il restaurant dal Munt da la Bês-cha.
RTR; Fabia Caduff
9 / 10
Legenda:
Auter sco quai ch'ins è disà da l ‘Engiadin’Ota na datti qua nagin luxus. Ir sin tualetta daventa bunamain in aventura.
RTR, Fabia Caduff
10 / 10
Legenda:
Selina Nicolay respunda las dumondas da noss Redactur Ursin Lechmann.
RTR, Fabia Caduff
