Igl è ina lavur da precisiun - la montascha da la Punt Piaunch da Tolais a Puntraschigna. 750 uras han ils maranguns fingia lavurà vi da quella punt. 4500 struvas han els dovrà e 9000 foras han els fatg enfin ussa.
Quella montascha dovra in heli special - il Kamax
Il helicopter dal tip Kamax ha fatg il transport da las tromas. Quel heli è bun da transportar en in sgol fin 2,7 tonnas. Il Kamax è concepì spezialmain per transports da laina. Qua è el sgolà ses giadas cun tromas da 14 meters lunghezza.
Ina tala montascha dovra in team special
Ils maranguns han survegnì in'instrucziun speciala - mintgin sto savair, tge ch'el sto e po far. Or da motivs da segirezza è il breefing fitg impurtant. Cura che il heli è in acziun sto tut funcziunar speditiv.
Ils maranguns ston ussa anc lavurar var 4 dis fin che la punt è pronta e finida.
-
Bild 1 von 8. Il Kamax transporta lains da 14 meters lunghezza. Il helicopter Kamax transporta lains da 14 meters lunghezza. En tut fa el ses rotaziuns. Bildquelle: RTR/ U. Morell.
-
Bild 2 von 8. Il Kamax e concepì per transports da lain. En il helicopter ha be plazza il pilot. Bildquelle: RTR/ U. Morell.
-
Bild 3 von 8. La lavur dumonda precisiun e concentraziun. Il marangun sto lavurar precis e dovra in bun equiliber. Bildquelle: RTR/ U. Morell.
-
Bild 4 von 8. Il manetsch tegna fin 2,7 tonnas. Vi dal manetsch è fixà il lain, che vegn transpurtà. Bildquelle: RTR/ U. Morell.
-
Bild 5 von 8. Lavur da precisiun. La montascha dumonda üna gronda precisiun. Bildquelle: RTR/ U. Morell.
-
Bild 6 von 8. Mintga lavurer sa che far ed inua metter ils mauns. Ils lavurer ston savair precis, che ch'els fan ed inua metter ils mauns ed ils pes. Bildquelle: RTR/ U. Morell.
-
Bild 7 von 8. Lavur da precisiun . Il team sto collavurar bain ensemen cul pilot. Bildquelle: RTR/ U. Morell.
-
Bild 8 von 8. Las ses parts principalas èn montadas. Il team da maranguns sto ussa anc lavurar var 4 dis fin che la punt è finida. Bildquelle: RTR/ U. Morell.