Sco quai ch'il manader da l'Uffizi da scussiun regiunal Engiadina / Val Müstair, Arno Lamprecht, ha confermà envers RTR, saja l'interpresa Hohenegger en procedura da concurs. L’emna passada haja l’interpresa Hohenegger deponì la bilantscha.
Direcziun betg cuntanschibla
L’interpresa da construcziun cun sez a Fuldera n'è anc betg stada cuntanschibla. Tar Hohenegger lavuravan 24 lavurers – da quels eran 11 indigens.
Chattà soluziun per emploiads
Tenor ina communicaziun dals sindicats Unia e Syna surprenda l’interpraisa Foffa Conrad a Zernez ils lavurers per las medemas cundiziuns. Ils sindicats èn cuntents cun questa schliaziun, era sch'ils lavurers han ussa in viadi da lavur pli lung.
-
Bild 1 von 5. Tut stat airi tar Hohenegger. Bildquelle: RTR, Dario Müller.
-
Bild 2 von 5. Hohenegger vaiva 24 impiegads. Bildquelle: RTR, Dario Müller.
-
Bild 3 von 5. Foffa Conrad porscha spontanamain contracts cun las medemas cundiziuns als lavurers da Hohenegger. Bildquelle: RTR, Dario Müller.
-
Bild 4 von 5. Foffa Conrad fa part da la pli grond’uniun d’interpraisas da construcziun en Engiadina. L'uniun stat sut la batgetta da Markus Testa. Bildquelle: RTR, Dario Müller.
-
Bild 5 von 5. La lavur va enavant sut in auter patrun, probablamain era il fabricats cumenzads. Bildquelle: RTR, Dario Müller.
Grondezza sco schanza u privel
Foffa Conrad fa part dapi passa dus onns d’ina uniun d’intrapraisas da construcziun pli gronda. Da quella fan part tranter auter la Bezzola Denoth SA, la Laurent SA, Hartmann SA, Zeblas Bau SA, la Christoffel Bau SA e la Foffa Conrad SA.
Segund il schef da persunal da la Foffa Conrad SA, Georg Fallet, saja stat pussibel da far in offerta d’agid per il persunal da la Hohenegger SA be grazia a la grondezza da lur uniun e che la situaziun da lavur na saja uschè mala sco auters onns.
Il president communal dal da Val Müstair, Rico Lamprecht, vesa era varts negativas da quest svilup sin il sectur da construcziun. Uss datti be pli ina intrapraisa da construcziun en la Val Müstair. Segund el manca uss la concurrenza e la schelta.
RR actualitad 11:00