Engiadina - Invista exclusiva en las catacumbas da la OEE
Mintga 7 onns fan las Ouvras Electricas d’Engiadina inspecziuns vi da lur installaziuns idraulicas, tranter auter era las galarias da pressiun e las chombras d’aua. A chaschun d’ina inspecziun vi da l’ovra idraulica Ova Spin a Zernez ha RTR visità plirs lieus ch’èn normalmain betg accessibels.
Producziun d’energia en in onn 100 milliuns kW per ura
Las installaziuns idraulicas da l’ovra Ova Spin han basegn d’ina inspecziun. Per ina è quai la galaria da pressiun tranter Punt dal Gall ed Ova Spin e per l’autra la chombra d’aua, l’indriz che è responsabels per la cumpensaziun da la pressiun e che sa chatta gist dasper il batschigl da cumpensaziun profund en la muntogna.
En questas installaziuns idraulicas passa tras normalmain l’aua che vegn duvrada per far forza. Pervi da l’inspecziun è tut vid ed accessibel, era per RTR. Lieus betg mo spectacular per il laic mabain era per ils lavurants da las ovras.
Betg gronds donns sin l'emprima egliada
Las inspecziuns duran anc in emna, uschia ch’ins na sa anc betg dir sche l’implant dovra revisiuns pli considerablas. Dentant ils emprims resultats na mussan betg donns pli gronds che duvrassan mesiras pli urgentas.
1 / 6
Legenda:
Qua passan normalmain 32 meters cubic aua per secunda. Usse é la lingia da pressiun svidada per l'inspecziun.
RTR, A. Schlegel
2 / 6
Legenda:
Controlla en la lingia da pressiun da Gian Franco Kirchen, responsabel per l'inspecziun.
RTR, A. Schlegel
3 / 6
Legenda:
Pitschens donns vi dal bischen d'atschal ch'èn dentant normals.
RTR, A. Schlegel
4 / 6
Legenda:
Il tumbin da la chombra d'aua è per il mument accessibel suletamain tras l'aria
RTR, A. Schlegel
5 / 6
Legenda:
La chombra d’aua sin 1809 meter sur mar.
RTR, A. Schlegel
6 / 6
Legenda:
Lavurs d'inspecziun vi dal tumbin da la chombra d'aua cun ina profunditad da varga 230 meters.
RTR, A. Schlegel
