-
Bild 1 von 17Legenda: Jamie Cullum e sia band si Muottas Muragl RTR/David Spinnler
-
Bild 2 von 17Legenda: Passiun pura: Jamie Cullum si Muottas Muragl RTR/David Spinnler
-
Bild 3 von 17Legenda: Jamie Cullum cun grond public si Muottas Muragl RTR/David Spinnler
-
Bild 4 von 17Legenda: Jamie Cullum durant ses concert si Muottas Muragl RTR/David Spinnler
-
Bild 5 von 17Legenda: Il concert da Jamie Cullum si Muottas Muragl RTR/David Spinnler
-
Bild 6 von 17Legenda: Jamie Cullum vid il clavazin RTR/David Spinnler
-
Bild 7 von 17Legenda: Fortuna cun l'aura - il public ha pudì giudair il concert da Jamie Cullum RTR/David Spinnler
-
Bild 8 von 17Legenda: Jamie Cullum en acziun RTR/David Spinnler
-
Bild 9 von 17Legenda: Jamie Cullum si Muottas Muragl. RTR/David Spinnler
-
Bild 10 von 17Legenda: Il chantadur e pianist da jazz Jamie Cullum. mad
-
Bild 11 von 17Legenda: Muottas Muragl avant il concert. RTR, David Spinnler
-
Bild 12 von 17Legenda: Preparativas per il concert da Jamie Cullum a Punt Muragl. RTR, Anna Caprez
-
Bild 13 von 17Legenda: Ils tecnicists preparan tut per il grond concert sin la muntogna. RTR, Anna Caprez
-
Bild 14 von 17Legenda: Fans da l'Engalterra èn viagiads en Engiadina per udir e giudair Jamie Cullum. RTR, Anna Caprez
-
Bild 15 von 17Legenda: Il panorama ch'ins ha davent da Muottas Muragl attira blers sin la muntogna. RTR, Anna Caprez
-
Bild 16 von 17Legenda: Accordar il piano per l'artist è ina da las lezias che vul ina bun'udida a pazienza. RTR, Anna Caprez
-
Bild 17 von 17Legenda: La tribuna per Jamie Cullum è bunamain pronta per il concert da la saira. RTR, Anna Caprez
Tenor l’intendant dal Festival da jazz San Murezzan, Christian Jott Jenny, han ils visitaders pudì sa legrar sin in concert d’in dils pli gronds entertainers ch’i dettia per il mument insumma sin il mund:
Jamie Cullum ha dus ingredienzas per avair success. El sa trategnair ed è er anc in musicist excellent.
Ils 2000 aspectaturs ed era Jamie Cullum e sia band han giudì la saira. Cullum ha dà in concert frenetic ed el ha salidà il public en rumantsch.
Per cuntanscher la plazza da concert sin 2'453 meters sur mar, han ins ubain da chaminar si sin la muntogna ubain duvrar il tren da la funivia da Muottas Muragl. Quella è circulada dapi il suentermezdi cuntinuadamain per manar si uschè svelt sco pussaivel ils numerus giasts che han gì da star en colonna. E quai tant per ir en si sco er suenter il concert puspè giu da la muntogna.
Sfida per pendicularas Engiadina San Murezzan
La logistica per organisar in concert cun 2'000-3'000 persunas sin ina muntogna pretenda ina buna preparaziun. Ils collavuraturs da las pendicularas Engiadina San Murezzan han dirigì gia dapi la damaun bel stretg ils autos in sper l’auter sin ils parcadis. Finalmain n'èn quels betg stads gronds avunda uschè che plira visitaders han gì da parcar lur autos pli lunsch davent da la staziun da Muottas Muragl.
Factur aura n'è betg calculabel
Entant ch’ins è bun dad organisar e preparar pli u main tut per in eveniment perfetg, datti in punct sin la glista che n’è betg en ils mauns dals organisaturs – numnadamain l’aura. Petrus para dad esser in amatur da la musica da jazz. Durant il concert s'han las nivlas nairas spustadas davent da la muntogna e la temperatura sin 2'453 meters sur mar è er stada agreabla.
Tenor Christian Jott Jenny n’haja anc mai dat in concert dal Festival da jazz si Muottas Muragl cun simplamain tschiel blau e sulegl.
RR actualitad 12:15