-
Bild 1 von 3Legenda: L'acziun d'art «St. Moritz macht Un Sinn» da l'artista svizra C.W. Mann. RTR, David Spinnler
-
Bild 2 von 3Legenda: L'artista C.W. Mann lavura cun pleds en il spazi. RTR, David Spinnler
-
Bild 3 von 3Legenda: Kunst-lose-Zeit scrivan las bandieras dals bittabandieras sper il lai da San Murezzan. RTR, David Spinnler
L'artista C.W. Mann viva dapi 20 onns en Germania, surtut a Berlin. L'artista svizra lavura cun pleds – ella vul occupar il spazi cun pleds e frasas.
Mann numna quai «Raumbesatzung». Ussa occupa ella il spazi a San Murezzan cun pleds e frasas sin radund 40 bandieras en differents lieus. Grazia al vent saja San Murezzan in bun lieu per art sin bandieras, ha ditg Mann envers Radiotelevisiun Svizra Rumantscha RTR. Pleds, noziuns u frasas sin bandieras: cun questa furma lavura Mann dapi quatter onns. L'onn 2013 avevi num sin ina bandiera sin il tetg da l'ambassada svizra a Berlin: Frohe Botschaft.
«St. Moritz macht Un Sinn» - l'acziun d'art da C.W. Mann dura anc enfin ils 7 da settember.
RR actualitad 07:00