Dal 2008 relascha il stadi in obligatori da vaccinar nuorsas encunter la malsogna «lieunga blaua». Ina minoritad da purs refusa l’obligatori, tranter els era il pur Tumasch Planta da Scuol.
Sin la refusa lascha il veterinari chantunal Rolf Hanimann transportar davent las nursas da Tumasch Planta per vaccinar.
Denunzia penala encunter il veterinari chantunal
Abus d’uffizi, maltractament d’animals e falsificaziun da documents eran ils arguments da Tumasch Planta. Da la procura publica enfin tar la dretgira chantunala e federala e puspè enavos. Cun questa denunzia cumenza ina procedura giudiziala che n’è fin oz betg finida.
L’ultim chapitel va a fin
«Jetzt isch gnuog hoi dunna» – las reglas na vegnan, tenor Planta, betg respectadas. Cun la decisiun da la dretgira chantunala, che motivescha ch'era il veterinari chantunal dastga far sbagls, decida Tumasch e sia dunna Seraina, da scriver l’ultim chapitel ed infurmar, ch’els capituleschan encunter las instanzas giudizialas – il crimi è a fin.
-
Bild 1 von 3. Terminar l'istorgia. Tumasch Planta vul metter si il viertgel sin l'entira istorgia. Bildquelle: RTR / Georg Luzzi .
-
Bild 2 von 3. Raquintar. anc ina giada las scenas dal passà. Bildquelle: RTR / Georg Luzzi .
-
Bild 3 von 3. Cun scenettas . han Tumasch Planta e l'associaziun «Blaudistel» resumà il crimi dals ultims 10 onns. Bildquelle: RTR / Georg Luzzi .
RR actualitad 18:00 / Telesguard