Engiadina - La primavaira è il temp da lavinas e crudadas da crappa

Sur 1'423 kilometers avain nus vias chantunalas en Grischun. Ed in quart da las vias – radund 355 km – èn potenzialmain periclitads da privels da la natira. Quai po esser da lavinas u crudadas da crappa. Cura che la primavaira arriva en noss pajais èn quels privels acuts – ed in hotspot è l’Engiadina Bassa.

Experientscha gida

Peder Caviezel è dapi 27 onns capo dal manaschi ed enconuscha las vias chantunalas en sia zona sco sia giaglioffa. L’enviern e la primavaira èn per el temps intensivs. La valitaziun da las vias dovra bler temp e blera experientscha. El ramassa ed evaluescha datas en ses biro. Ina da las vias che dovran attenziun speziala è la via da Samignun. Naiv e crappa pericliteschan adina puspè la via.

audio

Primavaira - ina sfida per quels che ston garantir segirtad sin via

02:54 min, ord Actualitad dals 05.04.2018.

laschar ir. Durada: 2 minutas 54 Secundas.

200 lieus critics sin 200 kilometers

Sin passa 200 kilometers vias chantunalas dal district 3 enconuscha il responsabel dal manaschi da l'Uffizi da construcziun bassa Peder Caviezel passa 200 lieus critics. L’ultima crudada da crappa è capitada glindesdi passà, ils 2 d'avrigl 2018 tranter Martina e Vinadi. Da la paraid Mingèr nord èn crudads radund 150 meters cubic crappa.

1 / 4

Legenda: Surveglianza quotidiana Peder Caviezel enconuscha tut ils 70 laviners da la via vers Samignun RTR/U. Morell

2 / 4

Legenda: Var 150 meters cubics La crudada da crappa ha bloccà la via tranter Martina e Vinadi. Uffizi da construcziun bassa GR

3 / 4

Legenda: Mingèr Nord Ina paraid da var 60 meters autezza. Uffizi da construcziun bassa GR

4 / 4

Legenda: Destruì la via tranter Martina e Vinadi La crudada da crappa è stada surprendenta era per ils responsabels Uffizi da construcziun bassa GR

RR actualitad 17:00