Legenda:
Kiosc avant l'hotel Kulm a Malögia.
Polizia Chantunala
cuntegn
Engiadina - Malögia: Kiosc brischà – i saja vegnì dà fieu
La notg sin mardi ha brischà il kiosc sper la via Maistra a Malögia. I ha dà donns da plirs 10milli francs. La Polizia chantunala manegia, ch'i saja vegnì dà fieu.
I dettia plirs indizis – uschia da leger en ina communicaziun da la Polizia chantunala – per in incendiament. La polizia tschertga en quai connex perditgas che hajan vesì sch'i saja vegnì dà fieu al kiosc.
Cunfinaris han remartgà l'incendi
L'incendi ha chaschunà donns da plirs 10milli francs. 43 comembers dals pumpiers Trais Lejs e Bregaglia han stizzà il fieu. Avertì eran els vegnids vers l'ina da la notg sin mardi. Dus cunfinaris sin via a la lavur en l'Engiadin'Ota han remartgà ch'il kiosc brischava.
