Siglir tar il cuntegn
cussirdurs dal maraton
Legenda: Nova suprastanza per il Maraton da skis engiadinais. La nova suprastanza dal maraton da skis engiadinais surpiglia il timun suenter l'ediziun 2016 dal maraton. mad

Engiadina Maraton da skis engiadinais cun nova suprastanza

L'anteriur passlunghist Andi Grünenfelder e l'anteriur cusseglier guvernativ Hansjörg Trachsel fan part da la nova suprastanza.

La conferenza dals presidents dals clubs da skis e dals commembers da la cumissiun dal Maraton da skis engiadinais ha presentà la nova supratsanza da l'uniun dal maraton: Andi Grünenfelder, Hansjörg Trachsel, Vic Jacob, Urs Pfister e Beat Gruber furman la nova suprastanza che surpiglia il timun suenter l'ediziun 2016 dal maraton.

Nums prominents

Cun l'anteriur passlunghist e victur dad ina medaglia olimpica Andi Grünenfelder, cun l'anteriur cusseglier guvernativ Hansjörg Trachsel e cun l'anteriur directur dal hotel Suvretta House Vic Jacob è la nova suprastanza occupada cun nums prominents. Urs Pfister è impressari da Samedan e Beat Gruber, il chanzlist da Schlarigna, represchenta ils clubs da skis en la suprastanza nova. Formalmain sto l'uniun dal Maraton da skis engiadinais anc confermar l'elecziun da la nova suprastanza; quai en avrigl 2016 a la radunanza generala extraordinaria.

Sco proxim ston ins anc eleger in nov mainagestiun che stat lura operativamain a la testa dal Maraton da skis engiadinais.

Artitgels legids il pli savens