Il dumber da participants da la cursa da stad d'Engiadina crescha dapi 10 onns. Ella vala però sco cursa planiva. Perquai dat i a partir da quest onn ina nova sfida – la cursa “Vertical”. Quella vegn organisada il di avant la cursa da stad als 19. d’avust.
Il spezial è, ch’ella maina sur il traject da la pista da la cursa a val dals umens dal campiunadi mundial. Il arriv è il Freefall.
Facts:
Distanza: 5,5 kilometers
Differenza d’autezza: 1000 meters
Pendenza maximala: 45 grads
Terren: alpin
Mesiras spezialas:
L’entira organisaziun per quella cursa “Vertical” è speziala. I dovra mesiras da segirezza spezialas, quai vul dir, ch'ils ultims 140 meters d’autezza ston vegnir elavurads precautamain.
Craps gronds ston vegnir allontanads, sugas e raits ston vegnir plazzadas. I dovra per exempel era ponderaziuns, co che blessads pon vegnir salvads.
Perquai èn ussa era involvids spezialists da segirezza uschia che la cursa po daventar in success.
-
Bild 1 von 6Legenda: 187 stgalims Per rivar enfin tal Freefall han ils curridurs da surmuntar 187 stgalims U. Morell
-
Bild 2 von 6Legenda: Craps gronds Ils craps gronds ston vegnir allontanads avant la cursa. U. Morell
-
Bild 3 von 6Legenda: Ils organisaturs han survegnià agid Spezialists da segirezza gidan ad organisar e dan inputs. U. Morell
-
Bild 4 von 6Legenda: Terren è alpin Tar ina pendenza da 45 grads rodla tut che nun è francà. Ils sportists curran tras ils rempars da lavinas. U. Morell
-
Bild 5 von 6Legenda: Mesirar la pendenza precisa La dumonda è, inua che il traject ha da passar. U. Morell
-
Bild 6 von 6Legenda: Rempars da lavinas al Freefall Ils ultims 140 meters d'autezza curran ils sportists tras ils rempars da lavinas. U. Morell