Il concept da basa per il project «Mia Engiadina» è pront suenter ina lavur da 4 mais. En las vischnancas involvidas sajan tut las datas relevantas d'infrastructura e da bajetgs rimnadas communitgescha la gruppa «Mia Engiadina» che ha lantschà il project ensemen cun l'Energia Engiadina.
Sco proxim pass succeda ils proxims 6 mais l'elavuraziun dal concept detaglià.
La finamira dal project «Mia Engiadina» è da colliar cun ina rait da fibra da vaider var 85% dals bajetgs en il territori tranter La Punt Chamues-ch e Samignun ils proxims 10 fin 15 onns.