Radund 3 milliuns vegnan a custar las renovaziuns vi dal museum Segantini. Oravant tut las mesiras da segirezza ston vegnir adattadas al temp d’ozendi. En il museum sa chattian purtrets da plirs milliuns francs.
Mintg’onn visitian radund 30’000 persunas il museum Segantini a San Murezzan. Per San Murezzan e quel museum in magnet turistic. Ovras da Segantini ma era dad auters artists chattan ina plazza vi da las paraids dal museum che stà sut protecziun da monuments.
Il pli impurtant e la renovaziun e adattaziun dal sistem d’alarm a las novas prescripziuns, ma era il sistem d’alarm da stizzar fieus sto vegnir adattà.
Il museum dess però era daventar pli attractiv, ins prevesa perquai da realisar in lieu per sa tschentar e baiver in café. Il museum dess retschaiver in standard che è inevitabel per restar attractiv.
La populaziun da San Murezzan decida ils 23 settember sur d’in credit da 2.8 milliuns francs.