Legenda:
Tar mintga City Race vegn transportà dad A tar B camiuns plain naiv - quest onn era vinavant tar C.
mad
cuntegn
Engiadina - Naiv dal City Race vegn reciclada per la Olympia Bob Run
Dapi 8 onns è il City Race a San Murezzan il start uffizial da la stagiun d’enviern en Engiadin’Ota. Ina fin d’emna cun concerts, festas ed ina cursa da skis amez vischnanca. La naiv che vegn duvrada per il City Race na vegn suenter dentant betg simplamain dismessa.
Per pudair far la pista e la loipa per il City Race amez vischnanca, dovri naiv artifiziala. Questa è vegnida producida durant ils ultims dis tar il campadi a l'ur da San Murezzan.
Producì al campadi, duvrà al City Race e reciclà en la bobera
Per la fin d’emna dal City Race è questa vegnida transportada amez vischnanca. Suenter l'eveniment vegn la naiv simplamain transportada vinavant tar la bobera tranter San Murezzan e Schlarigna. Tenor il president dal comité d’organisaziun, Patrik Wiederkehr, pon ins senza problems duvrar la naiv per la Olympia Bob Run.
