Per San Murezzan è quai stà blers onns in temp lucrativ. Betg mo per la hotellaria da luxus, ma era per ils furniturs da schampagner, caviar ed autras delicatessas. L’onn passà ha quai midà.
-20% dals giasts russ
San Murezzan ha pers radund 20% da ses giasts russ. Era per quest onn èn las prognosas pauc bunas.
Tenor las reservaziuns en il hotel Kulm pudess quai dar levamain damain giasts russ che avant 1 onn.
Vendiders da delicatessas era pessimistics
Ils vendiders da delicatessas che furneschan era a giasts russ che han abitaziuns a San Murezzan fan sumegliantas prognosas. Tenor la gronda part dad els n'èsi betg da far quint che quest onn arrivan dapli giasts da la Russia che durant il schaner dal 2015.
RR Actualitad saira 17:00