La suprastanza communala ha elegì sin proposta da la cumissiun da la Biosfera mesemna saira David Spinnler sco nov manader da fatschenta dal Parc da natira Biosfera Val Müstair. El ha lavurà bunamain 20 onns tar RTR, e da quai 10 onns en Engiadina.
Turna en sia patria
Thomas Gurtner (directur ad interim) turna en sia patria. El maina la Biosfera Val Müstair dapi il mars 2017. Ord motivs persunals vegn il geograf da Berna puspè a turnar la stad 2018 en sia patria. Il davos onn ha Gurtner guardà da pudair realisar ils projects planisads. Plinavant ha el guardà da stuppar las largias en il team da l'uffizi dal parc natiral.
RR novitads 12:00